Interaksyon ng Tao sa kanyang Kapaligiran
Simula pa ng
sinaunang panahon ay mahalaga na ang ginampanan ng ating kapaligiran sa
pamumuhay ng mga tao. Ang kapaligiran natin ay isang mahalagang aspekto ng
ating kasaysayan. Mula sa pagkabuo ng
mga sinaunang kabihasnan, hanggang sa iba’t ibang klase ng pamumuhay ng mga tao
base sa kanyang kapaligiran, hanggang sa mga estratihiyang mga tagumpay ng mga
tao sa mga digmaan dahil sa kanilang heograpiya. Dahil sa ating kapaligiran, sa
ating kalikasan ay naging matagumpay at moderno ang mga tao.
Ngunit
habang tumatagal ay mas-inaabuso ng mga tao ang kalikasan. Habang tumataas ang
populasyon ng mga tao sa buong mundo ay tumataas ang demanda ng mga tao sa mga
likas na yaman. Dahil dito ay nakakalbo na ang mga bundok at kagubatan dahil sa
labis na pagputol ng mga puno. Isa pang dulot ng labis na pagtaas ng populasyon
ay ang pagtindi ng ating suliranin sa polusyon. Dahil sa mga problemang ito ay
nagaganap na ang tinatawag nating Global Warming at Climate Change, at kung
magpatuloy pa ito ay labis na maghihirap ang mga tao at maraming magaganap na
masama, hindi lamang sa ating kapaligiran kundi pati narin sa mga nabubuhay na
organismo na nakatira rito.
Dapat nating
matutunang pangalagaan ang ating kapaligiran, dahil dito tayo nakadepende.
Hindi sapat na magkaroon lamang tayo ng tamang batas, kailangan din ng mga tao
ng disiplina, upang gumawa ng tama at sumunod sa mga batas. Sa bawat punong
pinuputol ay dapat pinapalitan ito ng isa o dalawang mga maliliit pa na puno.
Ang mga basura naman ay dapat itapon sa tamang lugar, hindi kung saan-saan
tulad ng ilog. At ang huli ay dapat mas maging aktibo ang mga mamamayan at
tumulong sa paglinis ng kapaligiran.
Napakahalaga
ng ating kapaligiran sa ating lahat, ngunit bakit hindi natin ito pahalagahan? Dapat nating pahalagahan ang ating
kapaligiran dahil dito tayo nakatira, dito tayo lumaki, at dito tayo nagsimula
bilang mga mangmang na tao, hanggang sa maging sibilisado tayo. Dapat kumilos
na tayo, habang hindi pa huli ang lahat.
